Ya queda victima de robo el un myembro del policia desfues entra ruba adentro del boarding house el desconosido lardon ayer alli na vicinidad del PC Compound, Barangay Zone 1 en este ciudad.
El policia ya identifica con el victima como si PO2 Khar Shariff Tilla, designao na PiƱas Police Station, Zamboanga del Norte.
Asegun con el victima, ele taqui na ciudad cay ta atende le el un seminar dentro del Campo Batalla donde ele temporariamente ta esta lang na boarding house de Nyora Liling Columbres local na PC Compound.
Mientras ta durmi asegun ele dentro del su cuarto del pasao noche, ya pone le el su sling bag contenido el su armas de fuego, maga bala, documentos, y porta moleda que chene cantidad de singco mil de pesos dinero.
Sin embargo, cuando ya despierta ele enantes madrogada para anda na escusao, ya sale des-aparecido ya el su sling bag y contodol laman de este.
Ya hace pa esfuerso el policia con el embuscada del su sling bag, sin embargo, ni sombra de este nuay mas engcontra. Ya reporta ya lang ele con el insidente na Presinto Onse. *ā Bhong Simbajon/RMN News*
