Con un pulis designao na Curuan Police Station ya sopla de tiro el un desconosido persona na Cariño Compoun, Camino Nuevo del Webes denoche.
El victima amo si SPO2 Ronnie Alar Adanza, quien ya sufri irida de bala na cabesa.
Asegun con el portavoz del Pulicia Local si Insp. Edwin Duco, ya lleva pa na hospital con Adanza pero ya despidi este porcausa con el fatal irida.
Na imbestigacion del pulis ta aparese si Adanza ya anda era visita consu familia na Cariño Compound, Camino, cuando tiene ya lang un persona armao de pistola ya ataja conele y ya tira por tres beses.
El suspechao ya desaparese ya lang despues el incidente.
Si Adanza quien ta queda na Lunzuran, ya tarda este assign na Central Police Station, traffic, patrol y na investigation section.
Ya man assign tambien con este na Divisoria Police Station y por ultimo ya guinda este na Curuan Police Station.
Si Adanza unu del maga Zamboanga’s Finest.
