ZAMBOANGA CITY—Un pulis ya muri despues este yan coriente mientras ta compone el maga alambre de coriente na diila residencia na Kalayaan Luyahan, Pasonanca del Sabado tarde.
El victima si SPO2 Edwin Nono, 43, casao y designao na Pre-charge Section na City Police Office.
Asegun na report del Sta. Maria Police Station ta aparese antede de man alas 5 del tarde si Nono ariba na techo del diila casa y ta compone el maga alambre de coriente cuando accidentalmente este ya puede agara con el un live wire.
Con Nono ya lleva corre na West Metro Metro Medical Center pero declara el maga doctor con este dead on arrival.
Con el cuerpo di Nono ya lleva na St. Peter Funeral Home para el embalsamo.
Facebook Comments
