Davao City – Wala matud pay gipili ang Land Transportation Office kun LTO XI nga mga dakpon panahon nga makasupak sa speed limit sa Davao region.
Kini ang gisaysay ni Jun Antonio, hepe sa Law Enforcement Division sa LTO XI atol sa gipahigayong AFP-PNP Presser diin iyang gibutyag nga adunay kapin pulo ka mga pulitiko ang nadakpan tungod sa overspeeding sa pipila ka mga area sa rehiyon sama sa ComVal ug sa Davao del Sur.
“Sama sa akong giingon sa una, pasensyahay na ta kay kining klase sa dakop, wala mi pakialam kung kinsa na kay wala mi idea kung kay kinsa na nga sakyanan ug kinsa ng sakay diha karon,”segun ni Antonio.
Gani aduna usab mga PNP officials ang nadakpan tungod sa paglapas sa speed limit.
Sa updated nga listahan sa maong buhatan sukad pagsugod og gamit sa nag inusarang speed gun niadtong Oktubre 2018, anaa na sa kapin kun kulang 4,500 ka mga violators ang ilang natala.
RadyoMaN Renz Barbarona
