Davao City – Dili i-atras sa kampo nila ni kanhi Davao Vice-Mayor Paolo Duterte ug presidential son-in-law Atty. Manases Carpio ang upat ka kasong libelo nga gipasang-at batok kang opposition Senator Antonio Trillanes IV.
Matud sa Duterte legal counsel nga si Atty. Rainier Madrid atol sa interbyu sa RMN Davao, ‘No Deal’ ang iyahang mga kliyente sa sugyot nga areglohon na lamang ang maong asunto.
Karong adlawa, ipahigayon ang mediation kalabot sa maong mga kaso base sa order ni Davao City Regional Trial Court Branch 54 Presiding Judge Melinda Alconcel- Dayanghirang una pa man ang trial proper.
“I’ll be there and I will manifest na ayaw magpa-settle ng mga kliyente ko and terminate na natin iyong mediation then we’ll go to trial,” matud ni Madrid.
Gibutyag ni Madrid nga magpaabot nalang sila karon sa skedyul sa hearing.
RadyoMaN Aimee Guinita
