Davao City – Usa ka sakripisyo ang gihimo sa bise mayor ning syudad sa iyang pagluwat sa katungdanan aron dili maapektohan ang dakbayan sa iyang giatubang nga mga kontrobersiya.
Sumala ni Philippine Information Agency (PIA-XI) Director General Efren Elbanbuena, usa ka surprisa ang gihimo ni presidential son Davao City Vice Mayor Paulo ‘Pulong’ Duterte sa iyang pagluwat sa katungdanan isip bise mayor sa syudad tungod sa mga bug-at ug personal nga mga rason nga angayang i-respito.
Usa ka matang sa delicadeza ang gihimo sa bise mayor tungod kay dili lamang ang iyang katungdanan apan naapil ang iyang pamilya sa politika. Matud ni Elbanuena, buot lamang ni Pulong nga dili madamay ang ubang sakop sa ilang pamilya tungod sa iyaha.
Giingon pa ni Elbanbuena nakita ni pulong nga ginagamit siya sa mga kritiko sa iyang amahan nga si Pres. Rodrigo Duterte usa na dinhi ang pagduhig kaniya sa korapsyon sa Bureau of Customs (BOC) ug uban pa.
RadyoMaN Bernard Pantallon
