Davao City – Nigula sa labing ulahing survey gilusad sa Institute of Popular Opinion (IPO) sa University of Mindanao nga ‘divided’ ang sentimyento sa mga Davaoweños kalabutan sa resignation niadtong December 25, 2017 ni Paolo ‘Pulong’ Duterte isip Vice-Mayor sa syudad.
Sa maong survey, nasayran nga sa matag 100 ka mga respondents nga gi-survey, 54 kanila gikonsidera ang Pulong resignation nga ‘unecessary’ mientras 34 suportado ang lakang sa bise-alkalde samtang 12 kanila nagdumili sa pagtunol sa ilang opinyon.
Segun kang Dr. Adrian Tamayo, UM-IPO Director for Quantitative Studies, nabatonan sa kanhi vice-mayor ang net political capital nga 38% diin 58 sa matag Davaoweño nga gi-survey nisalig gihapon kang Pulong samtang ang nahibiling 42 nawad-an sa ilang pagsalig ngadto sa maong opisyal.
“This is a political capital he (Pulong) maintains even if he is already out of public sight. However, this may slip through his fingers if left uncared of. With a very narrow window of 4%, it will need a good machinery and effective political strategy to get back from where he has left, given all others constant,” pasidaan sa maong pagtoon.
Ang survey gititulohan ug ‘On Paolo Duterte as leader and politician’ gipahigayon niadtong January 31 ngadto sa February 8, 2018 gilangkuban sa 1,200 respondents pinili gikan sa tulo ka Congressional Districts sa entero Davao City.
Ang survey nagtagana usab sa plus or minus 3 ‘margin of error.’
RadyoMaN June Duterte
