Davao City – Mas hugot nga seguridad ang gipatuman karon sa mga awtoridad human na-intercept sa Barangay Lasang ang usa ka eksplosibo nga planong ipabuto unta sa mga terorista denhe sa sulod sa Davao.
Sa tulumanong ‘Straight to the Point’ sa DXDC 621 RMN Davao, mokabat sa 90% sa mga respondents nag-ingon nga andam ang mga Dabawenyo sa mga pagpanghulgang terorismo sa dakbayan.
Mas nahimong mabinantayon ug maigmaton ingon man alerto ang katawhan sukad nga nahitabo ang mapait nga 2016 Roxas Night Market Bombing incident diin ubay-ubay ang nakabsan sa kinabuhi sa usaka dugoon ug mangilngig nga insidenteng panerorismo binuhatan sa grupong Maute nga mao usay nihasi sa Islamic City of Marawi.
Ubang mga tigpaminaw nagkanayon nga angayang abtik kanunay ang mga personahe nga nagduty sa mga checkpoints sa syudad sama sa pag-inspection sa runningboard sa tanang mga bus de pasahero nga sagad kargahan sa mga bagahe, diha sulod sa mga van pinatuman ang ‘plain view doctrine’ sa pagpang-inspeksyon.
Kasagaran usab nagkanayon nga gawas sa mga security forces sa dakbayan, angayan usab nga alerto pirme ang tanang katawhan haron ang tanan mahalikay gikan sa peligrong dala sa pagpabuto sa mga bomba ug pagpamatay hinimoan sa mga extremists, radicals ug mga Islamist fundamentalists.
RadyoMaN Jason Amisola
