Davao City – Gumikan kay nagkabata ang mga nagabuhat og krimen sama na lamang sa pagpatay sa dos anyos nga batang babaye sa Tagum City, na-alarma na ang katawhan sa unsa pay posibleng madangatan niining mga minor offenders.
Mayoriya sa mga Dabawenyo ang miingon nga angayang i-repaso ang Pangilinan Law kun ‘Juvenile Justice Law’ gumikan nagsalig na ang kabatan-onan nga dili makulong ini’g maka-komitir og salaod.
Gani gidugang sa mga respondents nga pamub-an ang age of criminal liability
aron dili sila mahitumpawak sa pag-abusar sa tawhanong katungod.
Luyo niini, adunay pipila ang nagpasabot nga dili sa balaud ang problema apan sa responsibilidad sa mga ginikanan.
Dili lang sa tulunghaan isalig tanan apan gikinahanglan nila tutukan ug i-monitor ang ilang mga anak aron dili ma-impluwensyahan sa ilang mga makita – sa eskwelahan man kini, sa internet o sa television.
Ingon man, samtang bata pa, kinahanglan giyahan ang kabatan-onan sa mga butang nga wala silay igong kaalam una pa kini ayuhon pag dako na ug sarado na ilang mga bo-ot.
RadyoMaN Jason Amisola
