Davao City – Subay sa pag taas sa pletehan bunga sa taxi meter recalibration, ubay-ubay nga mga taxi drivers gibati’g klase-klaseng reaksyon sama sa suporta ug kahingawa.
Nigula sa sentimyento sa katawhan nga ubay-ubay ang uyon sa gipatumang taxi recalibration diin sagad sa ilang rason mao ang pagsimpatiya sa mga commuters ngadto sa mga taxi drivers.
Gikonsidera usab sa mga Dabawenyo ang pagtaas sa presyo sa gasolina ug ang pagtaas sa presyo sa mga nag-unang palaliton sa nagkadaiyang merkaduhan.
Aduna usay nag-ingon nga gumikan niini, likayan na lamang nila ang pag-taxi tungod sa kamahal sa patak sa metrohan ug ang pagpaningkamot nga magsayo’g lakaw matag adlawa aron makasakay ug jeepney ug dili ma-late sa transaksyon o pagtrabaho.
RadyoMaN Jason Amisola
