Nilutaw karon nga dili tinohoan kun relihiyon kon dili ang diskriminasyon, inhustisya ingon man kriminalidad ang nag-unang hinungdan sa kagubot sa atong komunidad.
Sa programang ‘RMN Straight to the Point,’ gibatbat ni political analyst Prof. Ramon Casiple, Executive Director sa Institute for Political and Electoral Reforms (IPER) nga walay basihan ang phenomenon gitawag nga ‘Islamophobia’ kun ang nanghinobra ug walay kapasikaran nga kahadlok ngadto sa mga nagtoo sa Islam.
Matud ni Casiple, angay lantawon sa mas halawum nga pamaagi ang mga nagapanghitabo sama sa terroristic attacks haron masabtan nato nga ang nagpasiugda niining tanan nagpalandong lamang sa usaka lehitimong relihiyon haron ipatuman ang ilang kaugalingong adyenda-pulitikal.
Sugyot usab ni Casiple nga angay konsultahon una sa gobyerno ang Muslim community sa mga war-torn areas sama sa Marawi City haron mabatonan ang ilang suporta sa higayun nga gikinahanglang ipursigi sa mga ground forces ang paglakip sa mga balay-alampuanan kun ‘places of worship’ nga gilumluman sa mga terorista diha sa operasyon sa mga awtoridad.
