Davao City – Klase klaseng reaksyon gipasibaw karon sa mga lungsuranon sa dakbayan sa Davao sa hisgotanang pagpa-undang sa gambling kun pasugal lakip ang panawagan nga i-apil ang legalized gambling nga angay undangon na.
Sa on-air survey sa programang Straight to the Point, gisugilon sa mga listeners nga kun buot gayud sa gobyernong tapuson na ang pasugal, angay sugdan diha sa pagpaundang sa PCSO lotto draws ingon man sa casino operations ilawom sa PAGCOR.
Sa susamang tulumanon, gibatbat usab ni Police Sr. Insp. Catherine dela Rey, tigpamaba sa Police Regional Office – XI nga paningkamotan gayud sa kapulisan sa rehiyon nga matuman ang entero orden ni PNP Chief Ronald ‘Bato’ Dela Rosa sa renewed anti-illegal gambling offensive.
Giklaro ni Dela Rey nga hugot ang warning sa Chief PNP ngadto sa mga local ug regional police officials nga i-eradicate ang pasugal sa ilang tagsa-tagsa ka mga Areas of Responsibility (AORs) ug kun dili, sila ang malagmit mabutang sa delikadong sitwasyun sanglit ipatuman man ang ‘one-strike policy’ sa naasoyng kampanya.
Dugang sa PRO-XI spokesperson nga apil sa kampanya ang localized illegal numbers game giila nga ‘last two.’
Ubos sa balaud, otorisado ang gobyernong nasyunal nga maglusad ug fund-raising activities pinaagi sa PCSO ug sa PAGCOR kansang makalap nga pondo gamiton sa estado alang sa pagpahimutang sa mga basic social amelioration projects sama sa libreng medisina, operasyon, donasyon ug uban pang panginahanglanon sa mabagang duot sa yanong tawo sa katilingban.
Kasamang June Duterte
