Davao City – Mas daghan karon ang hugot nagtoo nga walay igong rason kun ‘moral justification’ haron tumanon ni Vice-Mayor Paolo Duterte ang hagit ni opposition senator Antonio Trillanes IV kalambigit sa gi-alegar nga ‘dragon tattoo’ sa naha-una.
Sa gikutlo nga reaksyon sa katawhan sa programang ‘Straight to the Point,’ ubay-ubay nga mga yanong lungsuranon nagkanayon nga dili na mistir pa nga tubagon pa ni Pulong ang akusasyon sa Bicolano senator sanglit ilado kining ulahi nga kritiko sa gobyerno.
Pipila sa mga nahinabi sa STP Investigative Teams nagkanayun nga inay tattoo ang tumbokon, mas maayong didto dal-on sa aspetong pagpayuhot kun pag-entra sa P6.4B shabu shipment gikan sa nasud-China haron dili ma-usikan ang panahon ug rekursos sa administrasyon.
Aduna hinooy pipila nagbaton sa ideya nga kun walay kamatuoran ang alegasyon kontra kaniya, mas maayong mopakita ang batan-ong bise-alkalde sa iyang tattoo haron once and for all matuldukan na nato sa hingpit ang lain pang burukang nigimaw karon.
Kasamang June Duterte
