Davao City – Nakapamiktima ug usa ka gasoline station nga mahimutang sa may kanto Quarry, Tugbok Dist ning siyudad ang mga wala mailhing kawatan sa milabay’ng adlaw bandang alas-4:00 pasado sa sayo’ng kabuntagon.
Subay sa imbestigasyon sa kapulisan, on-duty atong higayona ang pump boy nga si Saint Robin Ahig Laminero nga taga Tacunan, Tugbok ning siyudad.
Sa di’ madugay kalit nga mihunong ang usa ka scooter mio sakay ang duha ka mga suspetsado ug sa wala matino nga hinagiban giti-unan ang pump boy ug mideklara og tulis.
Pugsanon nga gikuha sa mga suspek ang halin nga dul-an P20-mil lakip na ang mga relo, alahas ug gadget sa pump boy ug daling miikyas.
Sa kasamtangan padayon ang imbestigahan sa kapolisan ilabi na nga dunay CCTV gimontar sa maong establisemento aron sa posibleng pagka-ila sa mga suspetsado.
RadyoMaN Paul Canono
