Davao City- Hugtanong gilimod sa usa ka pump boy nga si Jessie Gumobao, 19 anyos, ulitawo, nga taga Cabantian, Buhangin syudad sa Davao, ang pasangil sa bana sa iyang kauban sa trabaho nga nanguyab siya niini.
Sumala sa record sa kapolisan sa Buhangin, gisulti ni Gumobao, kalit lang miabot ang suspek nga si Emedio Mosinabre, usa ka security guard, gibunalan siya’g helmet ug dayon gihulga nga patyon siya. Matud pa nasuko ang suspetsado human nakabasa og mga text messages ug nakabati ug mga estorya nga uyab sa iyang asawa si Jessie nga kauban niini sa trabaho.
Gisulti pa sa pump boy, imposible kayo nga manguyab siya sa asawa sa suspek tungod kay edaran na kini kung itandi kaniya.
Giingon pa sa biktima ikaduha na kini ka beses nga siya gihulga, hinungdang iyang gireport sa kapolisan aron i-blotter alang usab sa iyang seguridad. Duna pay gihimong imbestigasyon karon ang kapolisan sa Buhangin, aron mahusay ang duruha.
Kasamang Bernard Pantallon
tags: Mindanao, Davao City, DXDC, DXDC 621, Buhangin PNP,
