Panit-an, Capiz – Maswerte nga wala mapilasan ang barangay kapitan sang Ambilay, Panit-an matapos ini ang gingubat kag tuyo nga bun-on sang suspek nga ginkilala kay Alejandro Diaz Jr, 31-anyos, residente sang nasambitan nga barangay.
Suno sa impormasyon, hubog nga nagpadulong sa Barangay Hall ang nasambitan nga suspek kag tuyo nga bun-on gamit ang gunting si Punong Barangay Juan Baulete apang natambagan ini sang chief tanod sang barangay.
Samtang napilasan man sa kamut si Alejandro Diaz Sr. nga amay sang suspek bangud sa pagpugong kag pagtambag.
Sa subong, yara na sa kostudiya sang Panit-an MPS ang suspek. Natalana ini nga pasakaan sang kaso nga alarm and scandal, direct assault, kag pagbayolar sa Batas Pambansa Blg. 6 ukon illegal possession of bladed, pointed or blunt weapon.
