Punong Barangay sang Lanipga, Panay, napasakaan na sang kaso sang CIDG-Capiz bangud sa anomalya sa distribusyon sang Social Amelioration Program!

120

Roxas City, Capiz- Napasakaan na sang kaso sang Criminal Investigation and Detection Group (CIDG)- Capiz Provincial Office sa Provincial Prosecutors Office si Punong Barangay Marilyn Blanco sang Barangay Lapniga, Panay Capiz angut sa ginapahayag iregularidad sa distribusyon sang Social Amelioration Program (SAP) assistance balor sais mil pesos halin sa DSWD.
Kaso nga paglapas sa RA 3019 ukon Graft and Corrupt Practices Act ang atubangon nga kaso ni Blanco kun sa diin may yara sang 4 ka mga complainants ang nagtindog agud ini ang mapasakaan sang kaso.
Nagaguha sa imbestigasyon sang CIDG – Capiz nga may yara sang probable cause ang reklamo kontra sa punong barangay kun sa diin maathag nga gingamit sini ang iya posisyon agud nga i-extort ang kantidad balor P2, 000 pesos halin sa SAP assistance nga nakuha sang mga benepisaryo halin sa DSWD.
Matandaan nga ginreklamo sang mga residente ang pagbuhin sang P2,000 sa nabaton nga ayuda kag ini naman ang ginhatag sa mga households nga wala maka-avail sang SAP assistance.
Una diri, gindepensa naman ni PB Blanco nga nagrisgo lamang siya.
Suno diri nga ang nasambitan nga pag-iban sang kantidad ang nag-agi sa konsultasyon sang mayorya kag nakapirma naman ang mga ini.

Facebook Comments