Davao City – Naglusad og Oplan Bulabog ang Panabo City Police Station uban ang SWAT team, Davao del Norte Police Provincial Office ug ang 89TH Infantry Batallion Philippine Army sa Brgy. Gredu syudad sa Panabo bandang alas 6:00 sa kabuntagon.
Punterya sa maong operasyon mao si Dino Cosain alyas “Waway” nga dunay kasong paglapas sa RA 9165 kun The Comprehensive Dangerous Drugs Act of 2002.
Ang maong suspetsado dunay warrant of arrest nga pirmado ni Hon. Judge Dorothy Montajes Gonzaga sa Regional Trial Court, 11th Judicial Branch 4 sa siyudad sa Panabo.
Sumala sa kapulisan, sa dihang dakpon na unta ang suspek, nakaikyas kini ug midagan sa wala matino nga direksyun.
Giadto sa kapulisan ang balay sa suspek ug nakuha sa sulod ang ang mga drug paraphernalia, timbangan sa gitouhang shabu, homemade KG .45 luger submachine gun, replica sa 9mm nga pistola ug bala sa .38 nga revolver.
Naghimo na og manhunt operation ang kapulisan ngadto sa nakasibat nga suspek samtang anaa na sa kustodiya sa Panabo police station ang nakumpiska nga mga ebidensya.
RadyoMaN Paul Canono
