Davao City – Samtang nagpahigayon og meeting sa iyang mga constituents pasado alas-11 sa buntag adlawng Huwebes sa basketball court sa may Purok Garcia, Barangay Mankilam, Tagum City kalit na lamang niduol ang gunman ug gipusil sa kadaghang higayon ang purok chairman nga giilang si Vevincio Loy.
Sa interbyu sa RMN Davao kang Tagum Pnp spokesperson Police Capt. Anjanette Tirador nga gideklara sa doktor sa Davao Regional Medical Center nga dead on arrival ang biktima.
Matud ni Tirador nga personal nga dumot ang usa sa ilahang gilantaw nga motibo sa pagpatay.
Upat ka mga basyo sa gituohang bala sa .45 ang narekober sa Scene of the Crime Operatives (SOCO) sa crime scene.
Gibutyag ni Tirador nga dili pa ma-establisar kung adunay pod kiniy kalambigitan sa investment scheme ang pagpusil patay sa Purok Chairman.
RadyoMaN Aimee Guinita
