Davao City – Gipasidad-an ni Davao City Mayor Sara Duterte-Carpio ang tanang mga purok leaders nga magmatinud-anon sa pagpanerbisyo ug dili sagula’g pamolitika ang pagsilbi sa katawhan.
Sumala ni Mayor, nakadawat kini og report sa hiwing binuhatan sa pipila ka Purok Leader sa dihang dunay nagreklamo kabahin sa paghatag sa cash assistance ilawom sa Social Amelioration Program (SAP) sa Department of Social Welfare and Development (DSWD).
“Magremind ko sa atong mga purok leaders, the reason why gipili mo nga mahimong purok leaders is because we trust that you will do your trabaho properly. This is not the time nga mangwarta, this is not the time nga palisdan nimo ang imong isigkatao, this is not the time nga ipiton nimo ang imong kauban diha sa community nga naglisod tungod sa COVID-19 pandemic,” segun ni Mayor.
Una niini, usa ka Purok Leader ug laing duha ang naaresto sa kapolisan tungod sa pagpangilad human gireklamo sa usa ka SAP beneficiary.
RadyoMaN Aimee Guinita
