Viral ngayon ang isang video kung saan nakuhanan ng video ang isang pusang nakaladkad habang nakatali sa likod ng isang tricycle sa Malasiqui, Pangasinan.
Kita sa video na tuloy-tuloy lamang ang andar nito kahit pa sinisita na ng mga kumuha ng video.
Sa isang apology video ng tricycle driver, hindi umano nito alam na may nakataling pusa sa kanyang tricycle at bingi umano siya kung kaya’t hindi nito marinig ang sumisita.
Humingi rin ito ng paumanhin sa naturang insidente.
Sa ngayon, Ligtas na ang pusa matapos sumailalim sa operasyon at kasalukuyan nasa pangangalaga ng Isang veterinary clinic.
Ayon naman sa Malasiqui Police Station, walang nakasampang kaso sa tricycle driver dahil wala umanong dumulog na amo o may-ari sa pusa at nagreklamo.
Maaari naman umanong maharap ang driver sa karampatang multa at pagkakakulong kung sakali mang masawi ang hayop at kung may magsasampa ng kaso.
Sa ngayon, mahigpit pa rin na tinutukan ng pulisya ang animal cruelty at responsible pet ownership upang matiyak na hindi na mauulit pa ang mga ganitong klase ng insidente. |𝙞𝙛𝙢𝙣𝙚𝙬𝙨
