Depues del cuantos dia de surveilance, ya cay siempre na mano del otoridad el un drug pusher de Logoy Grande, Talon-Talon durante el buy-bust operation ya conduci el maga pulis del Curuan Police Station del Sabado por la tarde.
Con el arestao suspechao ya conose como si Arnold Chiong Reyes, 44, alias Pokemon del mencionao lugar.
Maga pulis ya puede confisca desde conele el dos paquete de shabu balor de P1,000 y el P200 marked money.
Dayun ya tene que lleva con el suspechao na Curuan Police Station y ya detene mientras con el maga shabu ya entrega na PNP crime laboratory.
Maga pulis ta prepara ya el propio caso que el lanta con el suspechao na corte.
Facebook Comments
