Pusher dakpan sa buy bust

14

Davao City – Malampuson nasikop sa kapolisan ang usa ka drug pusher atol sa gilusad nga buy bust operation sa San Pedro PNP kauban ang personahe sa station drug enforcement team alas 2:25 kaadlawon natigayon didto sa Rosario St.SIR Phase 1 Barangay 76-A siyudad sa Davao.

Sumala sa report ang dinakpan mao si Renante Jambura alyas Mata, hingkod ang pangidaron kasamatangan nagpuyo sa Porras St. Barrio Obrero ug nitibo nga taga San Esidro Bato Bato Davao Oriental.

Matud pa, positibong napalitan og shabu ang dinakpan sa usa ka poseur buyer hinungdan sa iyang pagka aresto.

Narekober sa kapolisan gikan sa dinakpan ang laing usa ka rectangular shape transparent heat sealed sachet nga gituohang shabu nga mokantidad og P2500.00 lakip ang P500 buy bust money ug usa ka cellphone nga gigamit niini sa iligal nga transaksiyon.

Ang dinakpan balhug na sa San Pedro Pnp ug karon adlawa i-file ang kaso ngadto sa Hall of Justice ning dakbayan sa kasong kalapasan sa RA 9165 kun Comprehensive Dangerous Drugs Act of 2002.

RadyoMaN Don Pulayao

Facebook Comments