Pusher dakpan sa Buy-bust

14

General Santos City—Sikop sa gihimong Buy-bust operation sa PDEA-12 inabagan sa Polomolok Municipal Police Station ang suspek nga si Dante Del Puerto, 38, mag-uuma ug residenti sa Purok Malinawon, Norcos Subdivision, Brgy. Poblacion, Polomolok, South Cotabato, niadtong nakalabayng adlaw sa may Field 103, Brgy. Cannery Site, Polomolok, South Cotabato.

Nasikop ang nasampit human mapalitan ug usa ka sachet sa gituohang shabu gamit ang P500.00.

Samtang laing 6 ka sachets sa suspected shabu nga dunay gibug-aton nga 1.4 gramos nga nagkantidad ug P9,520.00 ang nakumpiska sa awtoridad gikan sa posisyon sa suspek.

Si Del Puerto apil sa provincial target-listed drug personality nga galihukan sa lungsod sa Polomolok, ug uban pang lungsod lakip na sa General Santos City.

Kasong kalapasan sa Section 5 (Sale of Dangerous Drugs) ug Section 11 (Possession of Dangerous Drugs), Article II of Republic Act 9165 (Comprehensive Dangerous Drugs Act of 200) ang gipasang-at nga kaso sa PDEA batok sa suspetsado.

Facebook Comments