Davao City – Sikop sa Sta Ana PNP ang usa ka drug pusher alas 11:30 sa
kagabhion atol sa ilang gilusad nga buy bust operation sa R Castillo
St.Agdao siyudad sa Davao.
Ang dinakpan mao si Michael Tabudlo alyas Balong, 29 anyos, ulitawo, usa ka
vendor nga taga Caesar 1 Purok Sto Niño Panabo Davao del Norte.
Matud pa sa dihang gikasa ang buy bust operation usa ka police ang
nagtakuban nga poseur buyer ug napalitan ang suspek og usa ka sachet nga
gituohang shabu hinungdan sa pagkaaresto sa dinakpan.
Narekober gikan sa iyang posisyon ang tulo ka elongated heat sealed
transparent plastic sachet, 500.00 pesos buy bust mark money, usa ka color
red paper pouch ug usa ka cellphone nga maoy gigamit sa iligal nga
transaksiyon.
Ang dinakpan balhog na Sta. Ana PNP ug gihikay na sa kapolisan ang kasong
kalapasan sa Akta Republika 9165 kun Comprehensive Dangerous Drugs Act of
2002 .
RadyoMaN Don Pulayao
