Davao City – Nagmalampuson ang buy bust operation sa Talomo police ala 1:00 sa hapon duol lamang sa gate sa Ateneo de Davao-grade school sa Mac Arthur Highway, Matina, Davao City.
Sa blotter sa Talomo PNP, ang suspek mao si Joey Sorrosa Ariola 40 anyos, nagpuyo sa 72, Phase 2, S.I.R. New Matina, Davao City, nakompiskahan og usa ka sachet sa shabu sa gipahigayon nga buy bust operation.
Nakigtransakyon ang suspek sa pulis nga nagpaka aron ingnon nga buyer ug sa dihang gitunol na ang illegal drugs bugti sa 500 ka pesos nga marked money, giaresto gilayon kini sa mga otoridad.
Nakopiskar sa suspek ang iyang cellphone nga maoy gigamit sa iyang pagpayuhot og droga.
Kasong kalapasan sa R.A. 9165 kun Comprehensive Dangerous Drugs Act of 2002 ang ipasaka sa kapulisan batok sa dinakpan sa piskaliya.
RadyoMaN Erin Lumosbog
