Davao City – Patay ang usa ka drug pusher human nisukol sa buy-bust operation sa Lower Madapo Cemetery, Brgy. 8-A, syudad sa Davao.
Sa report gikan San Pedro Police Station, naila ang suspect Alexander Impas, alias “Paw-paw”, residente sa nahisgutang lugar.
Matud pa napalitan sa kapulisan ang suspek og lima ka plastic sealable transparent sachets nga dunay sulod pinaugang dahon sa marijuana kambiyo ang P2,500 nga buy bust money apan nakabantay kini nga mga sakop sa awtoridad ang iyang gikatransak kalit mihulbot sa iyang armas dayon ug pusil sa mga pulis, apan abtik nakabawos ug pusil ang mga pulis.
Gitabang pa sa mga personahe sa Rescue 911, apan gideklarang nakabsan sa kinabuhi.
Narekober sa SOCO team sa crime scene, ang usa ka unit nga .38 caliber revolver, usa ka basiyo, lima ka bala ug laing basiyo sa .9mm pistol ug usa ka putos nga pinaugang dahon sa marijuana.
Sa imbestigasyon sa kapulisan, ang napatay nga suspect nalambigit sa kawat sa motorsiklo ug robbery incidents sa maong Barangay.
Patay’ng lawas ni Paw-Paw gidala na sa Angel Funeral Homes ning dakbayan sa Davao.
RadyoMan Don Pulayao
