Muerto el alegao drug pusher despues este ya imbisti con el maga pulis durante el buy-bust na Sitio Asinan, Kasanyangan enantes aga.
Conel suspechao ya conose como si Alnajir Najirul y Salih, de Masepla 3, Mampang.
Pasada alas 7 del aga cuando el maga pulis del Central Police Station ya conduci con el buy-bust.
Pero asegun conel maga pulis, ya gole si Najirul con el operacion y dayun este ya eskapa munta na su motorsiclo y ya entabla para adentro parte del lugar.
Ya hace lagas conele maga pulis hasta ya sopla de tiro si Najirul conel maga pulis.
Aqui ya tene que tira tamen maga pulis con Najirul hasta ya causa su muerte.
Facebook Comments
