General Santos City—samdan ang usa ka pusher human kining napusilan sa pulis nga sakop sa Police Station 5 atol sa gihimong buybust operation sa may 2nd Road, Barangay Calumpang, Gensan alas 8:30 ang takna kagabie.
Suspek giilang si Victor Lindong, legal age, trailer truck driver, residenti sa nasampit nga lugar.
Sumala ni Police Sr. Inspector Davis Vincent Dulawan, hepe sa Police Station 5 nga usa sa iyang pulis ang nagpakarong-ingnong poseur buyer apan samtang gihimo ang transaksyon nakamatikod sumala pa ang suspek nga pulis ang nakatransaksyon mao nga kalit kining midagan pasulod sa ilang balay.
Gigukod kini sa kapulisan ug dihang dakpon na unta kini, iyang giilog ang pusil sa pulis mao nga siya napusilan sa iyang tiil nga bahin.
Samtang gibutyag pa ni Dulawan nga nakaangkon usab ug samad sa kamot ug paa ang pulis nga nakig-ilogay ug pusil sa suspek.
Gilayon man nga gidala sa ospital ang suspek apil na ang operatibang nasamaran gumikan sa insidenti. Sa karon ginaandam na ang kasong kalapasan sa RA 9165 nga ipasang-at batok sa nasampit nga suspek human kining nakuhaan ug (5) ka pakete nga giotuohang shabu.
