Davao City- Gisikop sa kapulisan San Pedro PNP kauban ang pwersa sa Davao City Police Office ug Philippine Drug Enforcement Agency (PDEA-XI) human gipatuman ang search batok sa usa ka tao nga dunay warrant of arrest alas 11:30 kagabii natigayun sa Brgy. 76-A Bucana ning dakbayan.
Basi sa report sa kapulisan, ang dinakpan naila nga si Renato Sularte alyas Boyet, 48 anyos, usa ka biyudo ug residente sa nasampit nga lugar.
Narekober sa kapulisan gikan sa posisyon sa dinakpan ang duha ka sachet sa gituohan shabu nga adunay street value nga mokantidad og 1,500.00 ka pesos lakip na ang mga drug paraphernalia.
Sa kasamtangan, ang dinakpan gipailalom pa og medical check-up sa Southern Philippine Medical Center samtang gihikay na sa kapulisan sa San Pedro PNP ang kasong kalapasan sa Republic Act 9165 kun Comprehensive Dangerous Drugs Act of 2002 batok sa dinakpan.
RadyoMan Don Pulayao
