Pusher nga gwardya pakyas nga madakpan sa operasyon sa kapulisan

General Santos City—pakyas ang operatiba sa City Drug Enforcement Unit (CDEU) nga madakpan ang suspetsadong Gwardya nga lambigit sa pagpayuhot ug iligal nga druga sa ilang gihimong Buy-bust operation sa area sa Bañas St., Barangay South, Gensan.

Alas 8:15 sa gabie, July 5, 2017 gihimo ang Buy-bust operation batok sa gwardyang si Nasser Eman, 29, lumad nga taga Datu Sinsuat, Maguindanao ug temporaryong nagpuyo sa Bañas St., Barangay South.

Napalitan ang suspek ug (1) ka sachet sa gituohang Shabu gamit ang P500.00 nga marked money.


Dakpan na unta ang nahisgutan apan nakasibat ang suspek human misulod sa compound nga gibantayan niini. Wala na nagukod pa sa otoridad ang nahisgutan tungod taas ang pader ug taas usab ang gate sa maong lugar.

Samtang malampuson usab nga narekober sa kapulisan ang (1) ka all weather pipe tooter, (2) ka unit sa Cal. 38 revolver, ug (10) ka buhing bala. Nakakuha usab ug (2) ka nilikit nga gituohang marijuana sa Multicab nga nakapark lang sa maong lugar.

Luyo paman nga nakasibat ang suspek, pasakaan gihapon kini ug kasong paglapas sa sec. 5, sec. 11 ug sec. 12 sa Art. II, ilawom sa RA 9165 human kining napalitan ug gikatahapang shabu ug nakuhaan ug marijuana ug drug Paraphernalia’s.

Samtang sutaon pa sa kapulisan ug dunay mga dukumento ang armas nga ilang narekober gikan sa lugar.

Facebook Comments