Davao City – Dead on Arrival sa Southern Philippines Medical Center (SPMC) ang usa ka drug pusher human nabalot og samad pinusilan ang lawas niini.
Duha ka samad sa ulo ug upat sa lawas ang mitapos sa kinabuhi sa suspek kinsa padayon pang wala mailhi sa mga awtoridad.
Misukol matud pa ang suspek sa mga sakop sa Presinto Uno atol sa gilusad nga buy-bust operation sa Agdao area alas-12:00 sa tungang kagabhion.
Nakatimaho matud pa ang suspetsado nga pulis ang mipalit kaniya og droga maong mibunot kini og pistola dayon pamusil tumong sa mga awtoridad.
Apan abtik nakabalos ang pulis resulta sa hinanaling kamatayon niini.
Nasayran nga gawas sa pagpayuhot sa illegal nga droga, notado usab nga kawatan sa area of responsibility sa Sta. Ana PNP ang napatay nga pusher.
RadyoMaN Joel Viray
