Pusher nga misukol sa kapulisan, patay

Davao City – Patay ang usa ka drug pusher sa buybust operation 10:30 kagabii sa Purok 1 Barangay 76-A Bucana ning dakbayan.

Napatay human nisukol sa mga otoridad si Basaron Akil alyas basaron, 30 anyos, ulitawo ug walay travaho.

Sumala pa ni Police Chief Inspector Hamlet Lerios, ang Station Commander sa Sta Ana PNP nga naglusad sila ug buy bust operation uban ang proper coordination sa PDEA XI ngadto sa pinuy-anan ni Basaron apan sa pakig transact na niini sa usa ka nagpaka-aron ingnon nga buyer nga sakop sa kapolisan, nakabantay,matud pa, nga police na diay ang ka transact niini hinungdan nga nibunlot kini sa iyang dalang .38 revolver nga armas apan ayha paman kini nakapabuto naunhan na kini pagpusil sa mga otoridad igo ang dughan ug tiyan sa suspek hinungdan sa hinanaling kamatayon niini.


Nakuha gikan sa posesyon sa napatay ang homemade .38 nga revolver, nga dunay lima ka mga bala ug ang 9 ka mga sachet sa gitoohang shabu ug ang 500 pesos nga buy bust money.

Gi-intrigo na sa kapulisan ang patayng lawas sa biktima ngadto sa iyang pamilya aron malubong dayon basi sa tradisyon sa tinuhuang Muslim.

Kasamang Paul Canono

Facebook Comments