Davao City – Na-neutralisa sa kapulisan ang usa ka lalaki human misukol sa kapulisan sa Sasa ala-1 sa kadlawon sa Purok 2 Km. 11 Muslim Village syudad sa Davao.
Sa report gikan sa Sasa PNP, ang suspek nga napatay mao si Faisal Camloan Nakilan alyas Opaw hingkod ang pangidaron ug residente sa maong lugar.
Sa rekord sa Presinto 4, nasayran nga napahigayon og anti illegal drugs operation ang kapulisan sa usa ka Medel Sabanal Gomez, alyas Totong, hingkod ang pangidaron ug sa dihang gipresentar na nila ang search of warrant nibunlot si Nakilan sa iyang .38 revolver dayon pusil sa duha ka higayon tumong ngadto sa kapolisan apan wala niya kini maigo hinungdan nga mibalus ang kapulisan og pusil sa suspek resulta sa pagkaigo niino sa nagkadaiyang parte sa iyang kalawasan.
Atol sa maong operasyon nakasibat si Gomez kinsa abtik nga milukso sa bintana sa ilang balay.
Gidala pa sa kapolisan ang lawas sa biktima sa Southern Philippines Medical Center apan gideklara na kining dead on arrival ala 1:16 sa kaadlawon.
Nakuha sa crime scene ang tulo ka sachet sa shabu ug usa ka unit sa .38 revolver.
Gidawat na sa pamilya ni Nakilan ang kamatayon sa suspek ug wala na gipailawom ug otopsiya ang patayng lawas niini.
RadyoMaN Don Pulayao
