Pusher patay sa Buhangin area shootout

75

Davao City – Patay sa shootout ang usa ka gituhoang drug pusher human misukol sa sakop sa Sasa PNP pasado alas-6:00 sa kagabhion.

Gisuwayan pa og dala sa Southern Philippines Medical Center (SPMC) ang suspek nga si Robert Batoon, 36 anyos, ug nagpuyo sa Indangan, Buhangin ning siyudad apan gideklarang dead on arrival ni Dra. Maria Kristina Larazabal ang suspek.


Samad sa ulo ug sa lawas ang gikamatay ni Batoon.

Base sa report, nakatimaho matud pa ang suspek nga pulis ang gikatransak niini sa droga maong miaksiyon kini og bunot og .45 pistola apan abtik naka-una pusil si PSSGT Mark Palma ngadto kang Batoon atol sa gilusad nga buy-bust operation sa nasangpit nga lugar.

Nakuha gikan sa possession sa suspek ang usa ka sachet nga shabu, duha ka P1,000 nga mark money,. ug .45 pistola nga dunay lima ka bala.

Apil nasikop sa Sasa PNP ang uyab ni Batoon nga mao si Maria Shalika Cheng kinsa pasakaan og kasong may kalapasan sa RA 9165.

Dugay na matud pa gipanid-an sa mga operatiba ang illegal nga kalihukan sa mag-uyab una hingpit nahog sa kamot sa mga tinugyanan sa balaud ang duha.

RadyoMaN Joel Viray

Facebook Comments

From Advertisers