Davao City – Nadakpan sa kapolisan sa Calinan PNP ang usa ka drug pusher human namaligya og shabu alas 10:40 sa kagabhion human gikasa ang buy-bust operation kauban ang pwersa sa Philippine Drug Enforcement Agency (PDEA) nahitabo didto sa Brgy. 21-C Piapi Boulevard ningdakbayan sa Davao.
Sumala sa report, ang dinakpan naila sa pangalang usa ka Jayson Jandayan alyas Doy-doy, 20 anyos ug residente sa nasangpit nga lugar.
Matud pa nga si Doy-doy anaa sa listahan sa Calinan PNP hinungdan nga nasubaybayan nga pabalhin-balhin ang pinuy-anan ug gilusad dayon ang buy-bust operation resulta sa pagkasikop suspect.
Narekober gikan sa dinakpan ang tulo ka elongated size heat-sealed transparent plastic sachet nga gituohan shabu, usa ka transparent sachet ang naabrihan na nga dunay residue nga shabu, lakip nakompiska ang buy-bust money nga 500 pesos ug usa ka pitaka nga gipanag-iyahan sa suspect.
Ang dinakpan balhog na sa Calinan PNP ug mag atubangan sa kasong kalapasan sa Republic Act 9165 Kun Comprehensive Dangerous Drugs Act of 2002.
RadyoMaN Don Pulayao
