Davao City – Gibalhog na sa selda sa kapolisan sa lungsod sa Maragusan ang usa ka lalaki human nadakpan sa buybust operation alas 7:30 ang takna sa gabie sa may Rizal St.Brgy. Pob Maragusan Compostela Valley kagahapong adlawa.
Suspek giila sa pangalang Galicia Engbino, 34 anyos, ulitawo, residente sa Purok Mabini Brgy. New Albay lungsod sa Maragusan.
Sumala sa report sa Maragusan Police Station gipahigayon sa kapolisan kauban ang mga sakop sa Philippine Drug Enforcement Agency o PDEA ang buybust operation ngadto sa suspek hinungdan nga nkuhaan og usa ka sachet nga shabu.
Kasamtangang gikustodiya na sa kapolisan ang akusado samtang giandam na ang pagpasaka og kasong pagsupak sa kasong Republic Act 9165 o Comprehensive Dangerous Drugs Act of 2002.
RadyoMaN Jules Catisay
