Davao City – Sikop sa Bunawan PNP ug Task Force Davao ang duha ka bag-ong drug personalities human nakuhaan og shabu alas 11:30 sa gabii didto sa Task Force checkpoint sa Licanan Brgy. Lasang, Bunawan district siyudad sa Davao.
Subay sa blotter sa kapolisan sa Bunawan PNP, naila ang dinakpan mao sila si Niño Lou Suay Baguio, 30 anyos, nagpuyo sa North Cotabato ug usa ka Neony Onde, 34 anyos, residenti sa Purok 6 Inabangga Bunawan.
Matud pa ang duha ka suspect nisakay og pampasaherong sakyanan gikan North-bound padulong sa dakbayan sa Davao apan pag-abot sa checkpoint atol sa gilusad nga inspection didto nakuhaan ang suspetsado nga si Suay Baguio og duha ka elongated heat-sealed transparent sachet nga gituohang shabu samtang si Onde nakuhaan og usa ka elongated heat-sealed lakip ang mga drug paraphernalia.
Ang dinakpang si Niño ug Onde balhug na sa Bunawan PNP ug mag atubang og kasong kalapasan sa Akta Republika 9165 kun Comprehensive Dangerous Drugs Act of 2002.
RadyoMaN Don Pulayao
