Sa interbyu sa DXDC ngadto ni Police Major Ricky Obenza, Station Commander, gina-recover nila sa pagkakaron ang wala pa ma-determina nga kalibre sa armas nga gigamit sa pagpusil sa 52 anyos nga biktimang ugangan niini.
Gibutyag ni Obenza nga nakig-alayon ang kapulisan kang Barangay Megkawayan Barangay Captain Glenn Escovilla sanglit personahe niini ang suspect base sa pagsubay kung aduna pa kiniy kalambigitan sa ubang insidente.
Napasaka na ang kasong frustrated murder batok sa suspect samtang ang ugangan stable na ang kondisyon sulod sa Southern Philippines Medical Center human nakahiagom og samad- pinusilan sa ulo nga bahin niini.
Sa pikas bahin, nasayran gikan sa kanhi live-in partner niini nga OFW nga aduna silay tulo ka mga anak apan nag desisyon kini nga mo-abroad ug nga ginadagmalan kini sa suspect.
Gani, aduna na silay record sa Barangay tungod sa pagkulata sa suspect ngadto kaniya.
RadyoMaN Aimee Guinita
