Davao City – Adunay madawat nga ayuda ang mga Public Utility Vehicle (PUV) drivers human kini gipailawom sa drive-thru swabbing sa Davao Crocodile Park, Gadi Road, Talomo, Davao City nga nagsugod kagahapong adlawa (Abril 26, 2021).
Matud ni Davao City Mayor Sara Duterte-Carpio, adunay merienda nga lomi ug lugaw ang ginahatag. Gawas niini, adunay grocery packs, libreng face mask, face shield ug vitamins gikan sa City Health Office (CHO) ang gitunol.
Molungtad hangtud Mayo 8, 2021, ang maong drive-thru swabbing diin planong i-sunod na usab ang ubang sektor sa komunidad.
“Ang participation sa City Mayor’s Office (sa drive-thru swabbing) are the merienda (lomi ug lugaw), grocery packs, the usual that we give during surveillance testing, free face mask and face shield ug atong City Health Office nag andam pud og mga vitamins para sa atong drivers,” sulti sa Mayor.
