Davao City – Sugod karong bulan sa Abril manakop na ang City Transport and Traffic Management Office kun CTTMO sa mga drivers nga walay opisyal nga Public Utility Vehicles (PUV) IDs nga giisyu gikan sa ilang buhatan.
Sa interbyu sa DXDC Davao kang CTTMO head Dionisio Abude hugtanon nilang iimplementa ang Official PUV Driver Identification Card ubos sa City Ordinance No. 0334-12 Series of 2012 o Comprehensive Transport and Traffic Code of Davao City.
Segun ni Abude gikinahanglan nga ang tanang mga gamaneho’g jeep, taxi, motorized tricycle for hire, passenger vans, school transport vehicles adunay gayod mga IDs diha sa ilang mga dashboards.
Mamahimong mamultahan og 1,000 pesos ang mga draybers kinsa madakpan nga walay mga official PUV IDs.
Sumala ni Abude kutob lamang karong bulan sa Marso ang pag-release nila sa mga IDs ngadto sa mga wala pa nakakuha nga mga PUV drivers.
Mokabat sa kapin onse mil pa ka mga PUV Ids ang wala pa na-claim sa CTTMO.
RadyoMaN Aimee Guinita
