Davao City – Uyon ang pipila ka mga public utility driver dinhi sa dakbayan nga pasakahan og kasong falsification ang usa ka membro sa Lupong Tagapamaya human gahimo’g peke nga PUV Drivers Id nga naila nga si Virgilio Libawan human nasikop kagahapon sa gilusad nga entrapment operation sa awtoridad.
Sumala ni Maico Asumbrado usa ka driver nga dili maayo ug unfair sa mga tarung nga driver nga nisunod sa balaud nga gipatuman sa City Transport and Traffic Management Office.
Gidugang ni Asumbrado nga angayan kasohan si Libawan sanglit dili maayo ang iyang gihimo nga pagpangilad sa mga driver.
Matud usab ni Nelor Barayoga usa ka PUV driver, taga-Brgy 23-C nga pabor kini nga mapaylan og kaso si Libawan aron dili pamarisan ug makaguba sa dungog sa mga driver nga nagtinarung sa ilang trabaho.
RadyoMaN Don Pulayao
