Davao City – Adunay gi-instalar ang City Transport and Traffic Management Office kun CTTMO nga security features o QR Code sa tanang PUV IDs aron nga daling maidentipika kung kinsa kining mga colorum o salawayong mga drivers sa pampublikong panakayan.
Gipakita ni CTTMO Center Coordinator Charlotte Parma nga pinaagi sa QR CODE Scanner nga app mamahimong iscan nimo ang QR Code nga makita sa ID sa imong gisakyang taxi, jeep ug mamahimo na nimong ipasa ang imong reklamo sa buhatan sa CTTMO.
Kinahanglan syempre nga aduna kay internet connection apan kung wala suhestyon ni Parma nga pwede nimong kuhaan og picture ang QR CODE aron mao kiniy imong isumite sa CTTMO.
Sumala ni CTTMO head Dionisio Abude tumong niining pagbutang og QR Code alang sa safety sa tanang pasahero, mahibaw-an pod ang adunay mga prankisa ug dili kolorom ang usa ka pampasaheroang sakyanan nga gadagan sa dakbayan sa Davao.
RadyoMaN Aimee Guinita
