Ciete persona inclujido el tsuper del un passenger van ya sale irido despues el vejiculo que ta munta sila ya man baliscat na urillando del highway na Manicahan enante de mas temprano.
El hefe del Sangali Police Station si Chief Insp. Chester Natividad ya habla el accidente ya sosede banda alas nueve y media del aga na quilometro 26 amediante el van ta biaja para na pueblo ya sale na Bungiao.
Asegun na imbestigacion, el tsuper del van si Aljohn Araneta y Delos Reyes, 27, casao de Bungiao, quien unu del maga irido, ya falia controla con el vejiculo y amo este ya man sunggap con el un poste de cemento de luz y yan baliscat na urilla derecha porcion delcalsada.
El maga pasajero quien tambien ya iri amo canda; Twinkle Zabala y Manuel, 27, casao; Shiela Gonzales y Enriquez, 28, dalaga; Nelson Gonzales y Gequillan, 37, casao, todo de Sangali; John Carl Lim y Francisco, 10, de Sta. Cruz; Darwin Natividad y Santiago, 40, casao de Bunguiao y si Salvador Nojalda y Villaruel, 35, casao de Guiwan.
Con el maga victima ya lleva na hospital para con el curada medical.
