Patay ang usa ka Person with Disability kon P-W-D human nga maghikog patay sa creek side, Upper Kolambog, Barangay Lapasan ning syudad.
Naila ang biktima nga si Pastor Tubis , 57 anyos, ulitawo, residente sa maong lugar.
Matud sa igsoon niini nga si Josephine, nangayo pa og ininit kaniya kagahapon sa buntag ang iyang igsoon, apan pagka-udto, gipukaw kini sa iyang bana, apan nanggahi na.
Dugang pa ni Josephine, nga adunay sakit kaniadto sa kidney ang iyang igsoon, nga posibleng maoy hinungdan sa pagpakamatay niini.
Nasayran nga naghikog ang biktima pinaagi sa paghikot sa liston sa iyang liog, sulod sa iyang kwarto.
Samtang mihangyo pa niadtong pasko ni Josephine ang igsoon niini nga Person with Disability kon P-W-D nga si Pastor Tubis, nga magpa-check up.
Apan tungod sa kawad-on, gimentineran nalang kini sa mga herbal nga tambal.
Dugang pa ni Josephine, nga wala siya magdahum nga maghikog patay ang iyang igsoon.
