Davao City – Giawhag karon sa Commission on Election Davao City ang mga senior citizens ug mga persons with disability nga magparehistro na usa ka adlaw nga special registration karong adlawa.
Sumala ni Comelec Davao City 1st District Assitant Election Officer Neneng Gestosani nga gisugdan ang special registration alang sa mga senior citizens ug mga persons with disability ganinang alas 8:00 sa buntag ug matapos hangtud sa alas 5:00 unyang hapon.
Sigun ni Gestosani nga angay pahimuslan sa nasangpit nga mga sektor ang gihatag nga luna aron makaparehistro sila sa COMELEC kay human aning adlawa wala na’y laing lugway pa alang sa special registration.
Ang special registration gituyo pagtagana sa COMELEC aron marehistro ang mga senior citizens ug mga pwede nga dili muuban sa bulhog lumbay sa katawhan sa mga buhatan sa COMELEC aron magparehistro.
Hinoon gitino pa ni Gestosani nga pwede man gihapon makaparehistro ang mga senior citizens ug mga PWD sa regular nga mga adlaw ug mga petsa apan sigurado masahol gayod sila tungod sa kadaghang mga tawo nga magparehistro sa COMELEC.
Sa tanang mga senior citizens ug mga pwede nga nagtinguha sa pagparehistro karong adlawa gikinahanglan dili kalimtan ang pertininting mga dokumento aron magpamatuod nga sila anaa na sa legal nga pangidaron sa pagparehistro.
Ug dili sab matud pa kalimtan magdala og kauban nga pwede maka asister kanila sa registration sa COMELEC sulod sa Magsaysay Park ning dakbayan sa Dabaw.
RadyoMan Joel Viray
