TACLOBAN CITY – Hadi haros mawarayan na hin paglaum nga makapagtapos ha pag-aram hi Anthony Plaquia, 23 anyos, taga Dolores, Eastern Samar tungod han iya kabutang.
Baliko an iya mga siki, tagduha la an tudlo han iya tiil, sanglit tuhod an iya ginagamit paglakat pero nakakatukdaw naman hi Anthony.
Ha interview ko kan Anthony, siring niya, may history hin kapansanan an ira pamilya kay bisan ngani an iya tiyo nga namatay na sugad gihapon an kabutang ha iya.
“Nung baby pa lang ako, sinabi ng doctor na baka daw cause ng medicines pero hindi po naniniwala ang parents ko kasi may history na po kami na may mga kapansanan.”
Tungod han iya sitwasyon, magkadurudilain nga pantamay an nabatian ni Anthony.
“Naging mindset ko po sa nakikita kong sitwasyon, ang mga tulad po naming may kapansanan ay parang walang silbi sa paningin ng iba, na para bang nabuhay lang kami sa panlalait ng mga mapanghusgang tao.”
“Masakit po para sa akin na ipinaramdam nila na iba ako, na para bang may mali po sa akin na hindi ako kabilang sa mundo. Sa mga nanlalait sa akin binabaliwala ko lang sila pero sa puso ko po sobrang sakit po, iniisip ko habang umiiyak ako.”
Umabot ha punto nga ginbasol ni Anthony an Ginoo han iya kabutang pero nahibaruan niya an iya purpose ha kalibutan, an magserbe nga inspirasyon ha ngatanan.
Nagin scholar hi Anthony ha Mater Divinae Gratiae College, usa nga catholic school ha bungto han Dolores.
Consistent honor student hiya tubtob ha Kolehiyo, nagin academic scholar, an paniguro ni Anthony nga makatapos ha pag-aram ngan makab-ot an iya mga hingyap.
“Sa awa po ng Diyos nakatapos po ako ha pag-aram”
Napasar hi Anthony ha Licensure Exam for Teachers (LET). Umabot an iya kakulba nga bangin diri hiya karawton han DepEd tungod han iya sitwasyon pero nagin magaan an proseso para han iya application. Nagrank 2 hi Anthony han Registered Qualified Applicants para magin official nga public school teacher.
“Nagtuturo na po ako ngayon sa Dolores Central Elementary School. Nagtuturo po ako ng English, Science, Filipino at mathematics.”
Hi Anthony in usa ha ngatanan nga mga tawo nga haros mawarayan hin paglaum pero naniguro ngan umato ha mga problema, yana usa na hiya nga public school teacher.
