Report ni Jennifer Palomo Debaja
Nag viral sa social media sang damlag lang ang video kon sa diin gin paaresto si July Macapas ginapatihan founder sang TEAM DONATOS kg GLOBAL INTERGOLD sang iya mga nabiktima diri sa Hong Kong.
Takna alas 11:15 sang Sept.3 samtang naga patigayon sa Starbucks outlet sa Central sang iya business presentation si Macapas sa mga would be investors,gin corner ini sang iya mga biktima upod sang pila ka kapulisan. Resibo nga nag lab ut sa Ph500,000 pesos, ang nakit an sa luggage ni Macapas kg sang iya tiayun.
Nahibaluan nga isa ka pyramid operation ang gina patigayon ni Macapas kon sa diin subra 40 ka OFWs diri sa HK ang na swindle sang suspetsado.Gin pahayag sang isa ka biktima nga gin pa invest sila sang Ph10,500 pesos kg gin pangakuan maga multiply ini kg makabaton sila sang Ph90,000 sa sulod lamang sang 3 ka bulan.
Apisar may mabakod nga mga ebidensiya ang mga biktima ni Macapas apang tungod wala sa jurisdiction sang HK police ang natabu nga mga transactions gindeport nalang si Macapas kg gin advice ang mga biktima nga mag file sa Pinas sang kaso ang mga ini.
Sa dugang nga impormasyon base man sa isa sang mga biktima ni Macapas, may pending ini nga kaso upod man ang iya asawa. Naga pangatubang sila sang criminal complaints sa Quezon City Prosecutors Office sang syndicated estafa/swindling nga gin file sang una nga indi biktima sini.
