Davao City – Giseguro sa Department of Education (DepEd)-XI nga magpahigayon sila og psychosocial efforts aron matabangan ang mga estudyanteng mabalik ilang normal nga mga pagbati ayha mugpahiluna og regular nga klase.
Sa eksklusibong pakighinabi sa DXDC RMN Davao kang DepEd-XI Spokesperson Jenielito Atillo, gipunto niyang kinahanglan kini sanglit miabot sa dul-an 115,000 ka mga estudyante sa Davao Region ang apektado tungod sa miigong linog.
Dugang pa niya nga pipila ka mga klase ang gisuspende sanglit kapin 200 ka mga estudyante ang nakahiagom og minor injuries.
Samtang, gipasabot sab ni Atillo nga angayan sab ibalik ang normal nga pagbati sa mga magtutudlo, sanglit pipila nila ang naapektuhan ingon man dunay gikabalak-ang anak nga anaa sab sa mga tulunghaan.
RadyoMaN Leo Battulayan
Facebook Comments
