QR Code dakung tabang vs infections

Davao City – Dili malapas ang privacy rights sa usa ka indibidwal sa dihang ipatuman na sa syudad sa dili madugay ang Quick Response (QR) Code system aron pag-address sa nagpadayong pandemic threat.

Sumala ni Department of Interior and Local Government (DILG-XI) Regional Director Alex Roldan, mahibaw-an lamang ang imong kalihukan kung naa kay transaksyon sa mga tindahan, government offices ug uban pa tungod kay dali lang makita kung asa niadto ang tawo.

Matud ni Roldan, dili makita sa QR Code ang ubang sensitibong personal information hinonoa, makatabang ang QR Code sa higayong mag-contact tracing na sa mga close contacts kun F1 ug F2 sa mga tawong nag-positibo apan naglakaw-lakaw gihapon diha sa mga pampublikong lugar.


Giklaro ni Roldan nga ang QR Code usa lamang sa mga hugot nga istratehiya aron mapadali ang contact tracing apan ang importante gihapon mao ang padayong pagtuman sa minimum health safety protocols.

RadyoMaN Bernard Pantallon

Facebook Comments